Minggu 26 Mei 2013 Bahan Johanes 16:12-15

Khotbah Minggu 26 Mei 2013 (Trinitatis)

Pdt. Piterson Sembiring, S.Th

Itroitus                 :”Jesus Kristus me simaba kita bengket ku bas lias ate Dibata erkiteken kinitekenta” (Roma 5:2a)

Ogen                     : Roma 5:1-15 (Anthiponal)

Khotbah               : Johanes 16:12-15 (Tunggal)

Tema                     : “Kesah si Badia mpetangkas kebenaren Dibata”

Ogen,

1.       Kiniteken silit ibas sekalak jelma nge erbanca maka ngasup guna ngangkai maka Tuhan deher ibas kegeluhenna, Janah erkiteken kiniteken nge maka sekalak jelma ngasup nandai Tuhan  Jesus si maba kita bangket kubas lias ate Dibata, si erbahanca lit pengarapenta ngaloken seri ras sialoken Tuhanta Jesus Kristus.

2.       Erkiteken sienda kame maka amin ibas paksana kiniseran pe kita, harus si dalani alu nggeluh erkemalangen man Dibata bagi Jesus si ndalanken kai siarus idahikenna guna kegeluhenta manusia.

3.       Sabab alu kesabaren ras ketutusen kedungenna turah kemenangen sierbahanca erpaguhna kinitekenta man Dibata

4.       Situhuna enggo tangkas man banta maka kita rembak ras Dibata,sabab Jesus Kristus enggo mperiahken kita alu nasapken dosanta si jadi kelang-kelangta ras Dibata.

5.       Dosa enda ngekanai kerina jelma, emaka kerina nge manusia erdosa.

Khotbah

1.       Kehadiren Jesus itengah-tengah kalak Parisi ras murid-muridna labo denga ngasup kalak sienterem ngalokenca, itambahka erbage-bage ajaren, ras perbahanen-perbahanen si ilakokenna.

2.       Emaka nina Jesus melala denga ateku sikukataken man bandu, tapi genduari lenga kam ngasup ngalokensa, sabab baik murid-murid entahpe kalak sienterem labo nagsup ngaloken maka Jesus e sekalak “Raja” sabab itandai kalak sienterem ise nande bapana.

3.       Situasi sibagenda rupana erbanca kerina ajaren-ajaren si ibereken Jesus langasup kalak sienterem ngalokenca sabab, la lit akap kalak sieterem dasarna Jesus ndatken pemeteh si bagi ajarkenna e erkiteken asal usul kelurgana.

4.       Nina Jesus tupung reh pagi kesah sibadia, tentu ipetangkasna kerina kebenaren-kebenaren si enggo peseh Jesus sedekah enda, janah kai si ituriken kesah sibadia e, labo sekedar cakap saja tapi eme kai si nandangi jadi.

5.       Kesah Sibadia sireh pe pagi mpermuliaken Jesus e, sabab si iberitekenNa me kai si ilakoken Jesus Krsitus tupung ia ras murid-muridNa denga i doni enda.

6.       Kerina silit ibas Dibata, eme sikerajangen Jesus Kristus si iberekenna man Kesah sibadia, si kedungenna pagi i aloken  kalak si erkiniteken man Jesus.

 Pengkenaina

1.       Sekali jadi tadingme sekalak diberu mbalu i teruh rumah kalak bayak enggo lit dua tahun ia tading ije, tapi kira-kira dua minggu kenca ia mulih ibas ingan sindauh nari tiap berngi ia ertoto, seh maka bagi tempa nderkuh ia i angkatna duana tanna mindo man Dibata.

2.       Tapi si ipindona eme duit simelala tiap bergi ia ertoto gelah ibere Dibata duit sada guni, seh maka gejek kel i akap kalak bayak e.

3.       Sada berngi tupung diberu ndai ertoto isuruh kalak bayak pembantunna ndabuhi diberu enda ndai alu kertas bekas, si itamaken ibas sada guni tambah ka je piga-piga gelas sipecah.

4.       Tupung gejek kel Diberu enda ndai ertoto idabuhken pembantu ndai guni si enggo isikapken ndai.

5.       Kenca ndabuh guni enda ndai ku deher diberu si ertoto  mis ikatakenna bujur man Tuhan, je medem ia iangkatnna guni ndai ku inganna medem.

6.       Medak erpagi-pagi ibukana guni ndai entah uga jadi kertas ndai kerina jadi sen, pecahen gelas ndai jadi permata, emaka melala me herta Diberu enda ndai.

7.       Ngidah sie emaka isikapken kalak bayak dua guni si sehkel dumna, isina sitek kertas selebihna pecahen kaca, gelas botol i suruhna maka tupung kari ia ertoto duana guni e idabuhken pembantuna ku ia.

8.       Tupung ia ertoto alu sora megang idabuhken pembantuna dua guni enda ndai seh maka pingsan kalak bayak enda ndai janah lumpuh erkiteken geger otak iatupung idabuhi pembantuna.(By...Bp.Josia)

9.       Kengasupenta memahami maka Kesah Dibata nggeluh ibas kita, si erbanca kita banci nggeluh bagi singena ate Dibata.bagepe ngaloken kai si enggo sikapkenna man banta

10.   Tanpa pemahamen sie, maka melala perbahanen-perbahanen silakoken kita eme, sura-sura manusia saja si erbahanca turah hal-hal si la mehuli man kalak sideban.

11.   Misalna melala si idah genduari tindaken-tindaken silakoken piga-piga kelompok si menyataken diri ngelakoken tindaken si payo menurut agama.

12.   Tapi siterjadi eme tindaken-tindaken si lakokenna eme guna kepentingan kelompok, memenengkan kemauan se kelompk/golongan saja.

13.   Lit ka ke lompok si nina membela agama, si tuhuna agama eme pola hidup si sesuai ras ngena ate Dibata, labo ajaran siman selamatenken, artina agama labo man belan tapi man ikutenken, sabab agama nge si menuntun manusia, labo manusia si menuntun agama.

14.   Rikutken Tema si i peseh man banta ibas minggu enda situhuna si jadi penekanen maka ibas kerina kecibal geluhta/perbahanenta si dahiken asa kengasupenta. Ibas la kita ngasup kesah Dibata si erdahin guna mpesikapsa.

15.   Jadi labo kita simeteh entahpe singaturken pendahin kesah si Badia e ibas kegeluhenta.

16.   Banci saja kita erbahan alasen si logis ibas dahin-dahin Tuhan, misalna pendapat si ngatakenca “adi aku lo banci rempet-rempet suruhndu maba khotbah” harus kataken si lang-langna dua minggu lebe.

17.   Situhuna jawapen si bage rupa lit kesan maka kinitekenta  sangat di pertanyaken,tempa kuasa kesah si Badia labo kita yakin lit bas kegeluhenta.

18.   Selanjutna statusta sebagai pelayan pe man sungkunen sabab mulai kita terpilih jadi sierdahin Tuhan situhuna enggo me lit penganggapenta maka kesah si Badia erdahin arah kita.

19.   Emaka selama gelar/status pelayan e ibas kita, labo lit alasen dahin rempet-rempet, selama status pelayan itu ada katawari pe siap ibas dahin e, ibas kelangasupenta Kesah Sibadia si mpetangkassa.

20.   Selaku kalak singikutken Tuhan, ula menolak kesah si Badia si atena nampati kita alu alasen-alasen si mulihi nuduhken kurangna keyakinenta kerna kesah sibadia.

21.   Alasen-alasen la banci ndahiken dahin-dahin pelayanen erkiteken jabu, pinakit, anak, ndehara, perbulangen, si Nuduhken maka kita menutup pendahin kesah sibadia erdahin ibas jabunta.

22.   Alu kata sideban tempa-tempa kita ngenca si meteh ras si ngasup mpesikap jabunta, adi la kita erbanca/adi la kita je  labo banci dung masalah/pinakit si lit ibas jabunta.

23.   Seharusna maka keyakinenta ndahiken dahin Dibata,eme guna encidahken maka kesah Si badia memang erdahin ibas kegeluhenta, alu nggitna kita ndahiken dahin-dahin Dibata.

24.   Keyakinenta maka kerina persoalen silit ibas jabu pasti i bere Dibata dalan pulah, eme si erbanca kuasa Kesah sibadia banci jadi ibas kegeluhenta.

25.   Adi labo megegeh kinitekenta maka litna kuasa kesah sibadia erdahin ibas kegeluhenta tentu dalan kesah si badia e erdahin ibas kita pe labo lit.

26.   Endame si idah rikutken cerita janda si tading ibas teruh rumah kalak bayak enda ndai, keyakinen silit ibas ia kerna kuasa Kesah sibadia si kuat erbanca ia yakin Tuhan nampati kegeluhenna.

27.  Sementara kalak bayak, hanya menginginkan hasil ras kehidupan yang lebih baik tanpa keyakinan yang kuat, ras labo kin nandai Dibata.